ആമുഖം: ഈ അടുത്ത് എന്റെ ഒരു സുഹൃത്ത് അദ്ദേഹം ക്രിപ്റ്റോ കറൻസിയിൽ ഇൻവെസ്റ്റ് ചെയ്തു എന്ന് പറയുകയുണ്ടായി. ഞാൻ കൂടുതൽ അന്വേഷിച്ചപ്പോൾ അത് BTMETA എന്ന ഒരു ക്രിപ്റ്റോ ആണെന്ന് പറഞ്ഞു.

പിന്നീട് കുറച്ചു ദിവസം കഴിഞ്ഞു അദ്ദേഹം ഒരു whatsapp സ്റ്റാറ്റസ് വച്ചിരുന്നു. മുൻപറഞ്ഞ ക്രിപ്റ്റോവിലൂടെ കാറോ വീടോ വാങ്ങിയ ഒരു ആളെ അനുമോദിക്കുന്നതായിരുന്നു ആ സ്റ്റാറ്റസ്. ഇത് കണ്ടതും എന്നിക്ക് ഒരു സംശയം ഉണ്ടായി. കാരണം ആ സ്റ്റാറ്റസ് ഒരു പ്രത്യേക രീതിയിലുള്ളതായിരുന്നു. ഒരു മൾട്ടി ലെവൽ മാർക്കറ്റിംഗ് പ്രോത്സാഹിപ്പിക്കുന്ന തരത്തിലുള്ള ഒരു ചിത്രം. ഞാൻ അന്ന് തന്നെ അദ്ദേഹത്തെ വിളിച്ചു ഇത് അത്ര നല്ല ഒരു ഇടപാട് പോലെ തോന്നുന്നില്ല എന്ന് പറഞ്ഞു. പക്ഷെ അദ്ദേഹം അത് വിശ്വസിക്കാൻ തയാറായില്ല. അതിനാൽ ഇതിനെ കുറിച്ച് കൂടുതൽ പഠിച്ചു അദ്ദേഹത്തെ ബോധവത്കരിക്കാം എന്ന് കരുതി. അതിനെ തുടർന്ന് ഞാൻ നടത്തിയ പഠനവും അതിന്റെ കണ്ടെത്തലുകളുമാണ് ഞാൻ ഇവിടെ വിവരിക്കുന്നത്.